Rannsóknir hafa
sýnt fram á að sjálfstraust og jákvæð sjálfsmynd hefur góð áhrif á unga
einstaklinga. Samkvæmt greiningum sérfræðingar hefur íþróttaiðkun mikil áhrif á
sjálfstraust ungmenna.
Það sem hefur
hvað mest áhrif á sjálfsmat einstaklinga í sambandi við íþróttir er
líkamsþjálfun, hún vegur meira vægi en hæfni í íþróttum og hreyfifærni. Það
skiptir því meira máli fyrir unga iðkendur að stunda íþróttir og hreyfa sig
reglulega heldur en að vera góður í íþróttinni.
Þeir
einstaklingar sem hafa sterka sjálfsmynd og bera virðingu fyrir sjálfum sér,
eru ólíklegri til að þjást af þunglyndi og finna fyrir kvíða. Einnig hafa
rannsóknir sýnt fram á að mikið sjálfstraust og jákvæð sjálfsmynd hafa áhrif á
það hvernig einstaklingum gengur í námi.
Þrátt fyrir að
það sé ekki til mikið af rannsóknum um þessi málefni hér á landi þá hefur verið
sýnt fram á að sjálfstraust og sjálfsvirðing hefur jákvæð áhrif á áfengisneyslu
unglinga og getur einnig haft áhrif á afbrot unglinga.
Í tæplega 30 ára
gamalli rannsókn kemur fram að því oftar sem íþróttir eru stundaðar í viku því
betri verður sjálfsvirðing einstaklings. Í þessari rannsókn kemur einnig fram
að stúlkur hafa minni sjálfsvirðingu heldur en strákar, samt hækkar hún hjá
báðum kynjum eftir því sem íþróttaiðkun eykst.
